Sesioni i tetë i trajnimeve për mbrojtjen e të dhënave personale

Agjencia për Mbrojtjen e të Dhënave Personale me mbështetjen e Twinning projektit të BE-së „Mbështetje në zbatimin e kornizës ligjore të modernizuar për mbrojtjen e të dhënave personale”, më datat 13 dhe 14 korrik 2022, organizoi sesionin e tetë të trajnimeve me temë “Hyrje në mbrojtjen e të dhënave personale” dhe  “Transferimi i të dhënave personale”.

Në ditën e parë të trajnimit u trajtuan risitë e Ligjit për mbrojtjen e të dhënave personale dhe detyrimet kryesore të kontrolluesve dhe përpunuesve, në ditën e dytë  u sqaruan kriteret për transferimin e të dhënave personale dhe kushtet e transferimit të ligjshëm të të dhënave personale siç janë: vendimet e përshtatshmërisë, instrumentet për transferim (klauzolat standarde kontraktuale, rregullat e detyrueshme të korporatës, kodet e sjelljes, certifikimi, etj.) si dhe përjashtimet gjatë transferimit. Krahas kësaj, gjatë trajnimit  u rishikua edhe çështja “Shrems” dhe vendimi i Gjykatës Evropiane të Drejtësisë si dhe cilat masa shtesë duhet ti ndërmarrin kontrolluesit dhe përpunuesit gjatë transferimit të të dhënave personale në vende të treta apo organizata ndërkombëtare.