Мemorandume Bashkëpunimi të nënshkruara me Komisionin për Parandalimin dhe Mbrojtjen nga Diskriminimi, Qeverinë e Republikës së Maqedonisë së Veriut – Sekretariatin e Përgjithshëm dhe Byronë për zhvillimin e arsimit

Më datë 25.11.2021, Agjencia për Mbrojtjen e të Dhënave Personale e përfaqësuar nga drejtori Imer Aliu dhe Komisioni për Parandalimin dhe Mbrojtjen nga Diskriminimi përfaqësuar nga kryetarja Vesna Bendevska, nënshkruan Memorandum për bashkëpunim.

Më 30 nëntor 2021, Agjencia nënshkroi Memorandum për bashkëpunim me Qeverinë e Republikës së Maqedonisë së Veriut – Sekretariatin e Përgjithshëm, përfaqësuar nga sekretar i përgjithshëm Muhamed Zeqiri, dhe Memorandum për bashkëpunim me Byronë për Zhvillimin e Arsimit, përfaqësuar nga drejtori Zeqirija Hasipi.

Këto Memorandume u nënshkruan duke rikonfirmuar angazhimin dhe interesin e ndërsjellë për rritjen e bashkëpunimit mes dy palëve.

Për të përmbushur objektivat e këtyre Memorandumeve Agjencia për Mbrojtjen e të Dhënave Personale do të realizojë trajnime për mbrojtjen e të dhënave personale për përfaqësuesit e Komisionit për Parandalimin dhe Mbrojtjen nga Diskriminimi, Qeverinë e Republikës së Maqedonisë së Veriut – Sekretariatin e Përgjithshëm dhe Byronë për Zhvillimin e Arsimit, me qëllim zbatimin e plotë dhe të drejtë të dispozitave për mbrojtjen e të dhënave personale.