Nënshkruhet Memorandum bashkëpunimi ndërmjet AMDhP dhe OPH

Më datë 07.07.2021, Agjencia për Mbrojtjen e të Dhënave Personale e përfaqësuar nga drejtori Imer Aliu dhe Oda e Pavarur Hotelerike e përfaqësuar nga kryetari  Zdravko Josifovski nënshkruan Memorandum për bashkëpunim.

Ky memorandum konfirmon angazhimin dhe interesin e përbashkët për të rritur bashkëpunimin ndërmjet Agjencisë dhe Odës në fushën e sigurimit të informacionit, edukimit, mbështetjes së hotelierëve në harmonizimin e punës së tyre me parimet, vlerat dhe rregullat për mbrojtjen e të dhënave personale të parashikuara në rregulloret e mbrojtjes.të të dhënave personale.

Në këtë drejtim, Agjencia dhe Oda do të bashkëpunojnë dhe veprojnë në mënyrë që të zbatojnë aktivitete të përbashkëta që do të kontribuojnë në ngritjen e vetëdijes së publikut për të drejtën e mbrojtjes së të dhënave personale dhe përmirësimin, azhurnimin dhe përshtatjen e sistemeve të vendosura për mbrojtjen e të dhënave personale të hotelierëve me rregulloret për mbrojtjen e të dhënave personale.

Prandaj, Oda do të ketë rol koordinues në mënyrë që të informojë me kohë anëtarët e tyre dhe hotelierët për detyrimet në përputhje me rregulloret për mbrojtjen e të dhënave personale, bazuar në udhëzimet e dhëna më parë nga Agjencia se cilat hapa duhet të ndërmerren nga hotelierët për harmonizimin e  punës së tyre me rregulloret për mbrojtjen e të dhënave personale dhe çfarë dokumentacioni ata duhet të sjellin për të siguruar sigurinë e përpunimit të të dhënave personale në përputhje me rrezikun e përpunimit, që pasaj të jenë në gjendje të demonstrojnë pajtueshmërinë me parimet në lidhje me përpunimin e të dhënave personale. Gjithashtu, Oda do të sigurojë mbështetje të plotë logjistike në kryerjen e trajnimeve për mbrojtjen e të dhënave personale për përfaqësuesit e interesuar të hotelierëve të regjistruar përmes vetë Odës pas nenshkrimit paraprak  të marrëveshjes për secilin hotelier të paraqitur me Agjencinë në drejtim të organizimit dhe sigurimit të pranisë së grupeve të synuara.

Duke pasur parasysh karakteristikat specifike të sektorëve të ndryshëm të përpunimit të të dhënave personale në industrinë e hotelerisë dhe nevojat specifike të kompanive hotelierike dhe shoqatave  mikro, të vogla, të mesme dhe të mëdha, për të kontribuar në zbatimin e duhur të rregulloreve për mbrojtjen e të dhënave personale, Oda filloi me përpilimin e Kodit të Sjelljes për industrinë e hotelierisë për të specifikuar zbatimin e rregulloreve për mbrojtjen e të dhënave personale në lidhje me përpunimin e drejtë dhe transparent, mbledhjen e të dhënave personale, realizimin e të drejtave të subjekteve të të dhënave personale, masat që garantojnë sigurinë e përpunimit në përputhje me rrezikun sipas nenit 44 të Ligjit për mbrojtjen e të dhënave personale.