Më 12.10.2025, Agjencia për Mbrojtjen e të Dhënave Personale, përmes platformës ZOOM, realizoi trajnim për mbrojtjen e të dhënave personale sipas programit të kërkuar nga Banka Popullore e Republikës së Maqedonisë së Veriut.
Trajnimi u hartua në përputhje me kërkesat dhe temat e propozuara nga Banka Popullore e Republikës së Maqedonisë dhe qëllimi i trajnimit ishte të ofronte njohuri bazë dhe aftësi praktike për të punësuarit që duan të kuptojnë dhe zbatojnë në mënyrë efektive parimet dhe dispozitat për mbrojtjen e të dhënave. Gjatë trajnimit u prezantuan detyrimet që dalin nga Ligji për mbrojtjen e të dhënave personale, të drejtat dhe detyrimet e kontrolluesve, masat për sigurinë e përpunimit të të dhënave personale, si dhe u dhanë rekomandime dhe udhëzime për mënyrën e mbrojtjes së të dhënave personale dhe për projektimin e masave të përshtatshme të mbrojtjes.
Këto trajnimе janë pjesë e përpjekjeve të vazhdueshme të Agjencisë për forcimin e kapaciteteve të të gjitha palëve të interesuara dhe për sigurimin e një niveli më të lartë të mbrojtjes së të dhënave personale në Republikën e Maqedonisë së Veriut.
Gjatë periudhës 04–09 maj, drejtori Nakil Fetai mori pjesë në […]
