Takimi i 19-të i Nënkomitetit për drejtësi, liri dhe siguri në Bruksel

Më 13 dhe 14 mars 2025, në Bruksel u mbajt takimi i 19-të i Nënkomitetit për drejtësi, liri dhe siguri me Maqedoninë e Veriut, ku u shqyrtua zhvillimi i ngjarjeve në fushat e përfshira në Kapitujt 23 (gjyqësori dhe të drejtat themelore) dhe 24 (drejtësia, liria dhe siguria). Më 13 mars 2025, Agjencia për Mbrojtjen e të Dhënave Personale mori pjesë në takimin, ku prezantoi arritjet kryesore të institucionit në fushën e mbrojtjes së të dhënave personale në vitin 2024.

Në prezantim u diskutua për miratimin e Strategjisë së re për zbatimin e së drejtës për mbrojtjen e të dhënave personale në Republikën e Maqedonisë së Veriut për periudhën 2025-2030, Rregulloren e re për sigurinë e përpunimit të të dhënave personale e cila do të fillojë të zbatohet nga 1 korriku 2025, Rregulloren për plotësimin e Rregullores për mënyrën e njoftimit të cenimit të të dhënave personale dhe Rregulloren për ndryshimin dhe plotësimin e Rregullores  për mënyrën e kryerjes së supervizionit.

Gjithashtu u përmend për rëndësinë që Republika e Maqedonisë së Veriut të miratojë sa më shpejt Ligjin për transpozimin e Direktivës (BE) 2016/680 të Parlamentit Evropian dhe Këshillit të 27 prillit 2016 (Direktiva për zbatimin e ligjit) dhe Propozimin e Ligjit për ndryshimin dhe plotësimin e Ligjit për mbrojtjen e të dhënave personale, me të cilin do të arrihet harmonizimi i plotë me legjislacionin e BE-së.