Pjesëmarrja e Drejtorit të AMDhP-së në Kongresin e V-të Ndërkombëtar të Avokatëve në Bled

Drejtori i Agjencisë për Mbrojtjen e të Dhënave Personale z. Nakil Fetai, mori pjesë në Kongresin e V-të Ndërkombëtar të Avokatëve, i cili u mbajt në Bled, Slloveni, në organizim të KEC Group, nga 25 deri më 28 mars 2026.
Kongresi grumbulloi ekspertë kryesorë në fushën e mbrojtjes së të dhënave personale dhe teknologjive ligjore, me fokus në sfidat aktuale lidhur me zbatimin e GDPR-së dhe zhvillimin e inteligjencës artificiale.
Drejtori Fetai ishte pjesë e panelit diskutues me temë „Inteligjenca Artificiale – çfarë na pret?“, ku së bashku me ekspertë rajonalë dhe evropianë u diskutua për kuadrin ligjor dhe aspektet praktike të zbatimit të inteligjencës artificiale.
Paneli ofroi shkëmbim përvojash dhe praktika të mira, me një fokus të veçantë në harmonizimin e legjislacionit në rajon dhe rolin e institucioneve në sigurimin e mbrojtjes së të dhënave personale në epokën e AI.