Orë edukative në SHFK ,,Koço Racin” – Kratovë

Më 27 tetor 2025, përfaqësues nga Agjencia për Mbrojtjen e të Dhënave Personale vizituan SHFK ,,Koço Racin” në Kratovë, ku mbajtën një orë edukative me temën ,,Si t’i mbrojmë të dhënat tona personale në internet”.

Aktiviteti ishte dedikuar për nxënësit e klasës së katërt, pestë dhe të gjashtë dhe u realizua në një atmosferë argëtuese dhe interaktive, të përshtatur me moshën e nxënësve. Përmes bisedave, lojërave dhe shembujve praktikë, nxënësit mësuan si të përdorin internetin dhe rrjetet sociale në mënyrë të sigurt dhe pse është e rëndësishme të mbrojnë të dhënat e tyre personale.

Nxënësit treguan interesim të madh për temën, morën pjesë aktivisht në diskutim dhe ndanë përvoja të tyre nga jeta e përditshme në internet. Në fund të orës, atyre iu shpërndanë materiale edukative që do t’i ndihmojnë më mirë të kuptojnë rëndësinë e privatësisë në botën digjitale.

Përmes aktiviteteve të tilla, Agjencia për Mbrojtjen e të Dhënave Personale synon të nxisë zhvillimin e përdoruesve të ndërgjegjshëm dhe të përgjegjshëm të internetit që në moshë të re.

Së bashku krijojmë një të ardhme digjitale më të sigurt dhe më të përgjegjshme!