Одржани часови за средношколци на тема „Заштита на личните податоци при користење на интернет“

По повод Европскиот ден за заштита на личните податоци, на 29 јануари 2024 година претставници од Агенцијата одржаа предавања на македонски и албански јазик на тема „Заштита на личните податоци при користење на интернет“ во средните училишта „Георги Димитров“ во Скопје и „Кирил Пејчиновиќ“ во Тетово. Младите слушатели имаа можност да се запознаат со работата на Агенцијата во врска со заштитата на личните податоци, им беа предложени совети за заштита на приватноста и идентитетот на интернет и им беа претставени мерки за безбедност при користење на социјалните мрежи.

   

На предавањата беа споделени и информатори со совети: „Приватноста на децата и младите во светот на модерни технологии (Интернет и социјални мрежи)“, со цел да се едуцираат младите за важноста и почитувањето на приватноста, бидејќи тие секојдневно ги конзумираат придобивките на дигитилизацијата.