Работен состанок помеѓу Агенцијата и Кабинетот на Заменик на Претседателот на Владата задолжен за политики за добро владеење

На 08 февруари 2023 година, директорот на Агенцијата Имер Алиу одржа состанок со заменичката на претседателот на Владата задолжена за политики за добро владеење, Славица Грковска на тема за позитивните и негативните законски аргументи поврзани со “Јавно објавување на вистинските сопственици на фирмите што склучиле договори за јавни набавки на електронскиот систем за е-набавки (ЕСЈН)”.

Заедничка заложба на Агенцијата и Кабинетот на вицепремиерката Грковска е да се најде решение со кое ќе се зајакнат антикорупциските мерки кај јавните набавки и ќе се зголеми транспарентноста и отчетноста пред граѓаните, без притоа да се нарушат основните начела за заштита на личните податоци и правото на приватност.