Промоција на Стратегијата за спроведување на правото за заштита на личните податоци во Република Северна Македонија 2025-2030

На 29 ноември2024 година во Скопје, Агенцијата за заштита на личните податоци ја промовираше Стратегијата за спроведување на правото за заштита на личните податоци во Република Северна Македонија 2025-2030.

Директорот на Агенцијата Имер Алиу се осврна на приоритетите на Агенцијата во наредниот период, а особено на неопходноста од обезбедување на целосна независност на Агенцијата, подигање на свеста на граѓаните и подобрување на соработката со другите институции и меѓународни организации. На крај заклучи дека сите заедно треба да допринесеме кон создавање побезбедна и посигурна средина, гарантирајќи дека со личните податоци се постапува одговорно и транспарентно.
Имајќи ги предвид современите предизвици и европските стандарди, Стратегијата зацртува четири основни цели во наредните пет години при спроведување на правото на заштита на личните податоци:

1.Целосна самостојност и независност на АЗЛП

• Донесување закон за изменување и дополнување на Законот за заштита на личните податоци со цел обезбедување самостојност и независност на Агенцијата во управувањето со финансии и човечки ресурси
• Јакнење на капацитетите на Агенцијата
• Измена на секторската легислатива која се однесува на прекршоците

2. Хармонизација на легислативата

• Донесување закон за транспонирање на Директивата за спроведување на законот (т.н. Полициска директива)
• Усогласување на законите со законодавството на ЕУ во подрачјето на заштита на личните податоци
• Хармонизација на законодавството од аспект на процесите за дигитализација

3. Континуирано зголемување на културата на заштита на личните податоци

• Зајакнување на соработка со надзорните тела за заштита на личните податоци и други меѓународни организации и тела.
• Континуирана соработка со јавниот, приватниот и граѓанскиот сектор
• Обуки за заштита на личните податоци
• Зголемување на транспарентноста и поголема видливост на Агенцијата

4. Спроведување на алатките за одговорност

• Подобрување на алатките за отчетност за унапредување на усогласеноста на контролорите
• Сертификација и кодекси на однесување
• Вмрежување на офицерите за заштита на личните податоци
• Активности за подобрување на положбата на офицерите за заштита на личните податоци

Целиот текст на Стратегијата е достапен на следниот линк.

Завршниот настан за промоција на Стратегијата за спроведување на правото за заштита на личните податоци во Република Северна Македонија 2025-2030 беше организиран преку инструментот ТАИЕКС на Европската унија. Агенцијата уште еднаш изразува голема благодарност до сите кои активно се вклучија и придонесоа во изработката на овој значаен документ.