Në rastin e një sistemi kontrolli aksesi të bazuar në të dhënat biometrike, a duhet të informojë personi juridik AZLP-në përpara se të fillojë përpunimin e të dhënave të tilla dhe çfarë dokumentesh duhet t’i dorëzohen AZLP-së për këtë qëllim?

Sipas nenit 13 të ZZLP, të dhënat biometrike janë një kategori e veçantë e të dhënave personale.

Kusht për përpunim ligjor është baza ligjore nga neni 10 paragrafi (1) i ZZLP-së dhe ekzistimi i njërit prej përjashtimeve të dhëna në nenin 13 paragrafi (2) të ZZLP-së.

Për shembull, baza ligjore për përpunimin e të dhënave biometrike për hyrjen në ambientet zyrtare mund të jetë pëlqimi i shprehur.

Mirëpo, duke qenë se kjo paraqet një marrëdhënie ndërmjet punëdhënësit dhe punëmarrësit (marrëdhënie e pabarabartë, marrëdhënie varësie), duhet të shtrohet pyetja nëse punonjësi e jep vullnetarisht pëlqimin e tij (vullnetariteti është një nga kushtet për pëlqim).

Për këto arsye, punëdhënësi duhet të sigurojë që pëlqimi të jetë vullnetar dhe duhet t’i sigurojë punonjësit një alternativë për një hyrje të ndryshme në ambientet e zyrës (nëpërmjet kartës, kodit, etj.)

Në rast miratimi, përpunimi i të dhënave biometrike mund të kryhet vetëm pas miratimit paraprak nga AZLP në përputhje me nenin 84 të ZZLP, megjithëse përpunimi kryhet pas pëlqimit të shprehur nga subjekti i të dhënave personale.

Miratimi nuk kërkohet në rast se përpunimi i të dhënave personale përcaktohet nga një ligj që përmban masa sigurie dhe masa të tjera për mbrojtjen e të drejtave dhe lirive të subjekteve të të dhënave personale.

Në raste të tilla, Agjencia merr vendim brenda 90 ditëve nga marrja e kërkesës për miratim.