Sesioni i pestë i trajnimit për mbrojtjen e të dhënave personale

Agjencia për Mbrojtjen e të Dhënave Personale, me mbështetjen e Twinning projektit të të BE-së “Mbështetje në zbatimin e kornizës  ligjore të modernizuar për mbrojtjen e të dhënave personale“, në datë 13 dhe 14 prill 2022, organizoi sesionin e pestë të trajnimeve për mbrojtjen e të dhënave personale me temë “Hyrje në mbrojtjen e të dhënave personale” dhe “Mbrojtja e personave fizikë nga përpunimi i të dhënave personale nga autoritetet kompetente për qëllime të parandalimit, hetimit, zbulimit ose ndjekjes penale të veprave penale ose për egzekutimin e sanksioneve penale dhe lëvizja e lirë e të dhënave të tilla”.  Në trajnim u ndanë përvojat dhe praktikat kroate në zbatimin e GDPR dhe Direktivës Evropiane për mbrojtjen e personave fizikë nga përpunimi i të dhënave personale nga autoritetet kompetente për qëllime të parandalimit, hetimit, zbulimit ose ndjekjes penale të krimeve ose për ekzekutimin e sanksioneve penale dhe lëvizja e lirë e atyre të dhënave.