Конференција на тема „Ризици и усогласеност со ГДПР во ерата на вештачката интелигенција“

На покана на хрватската Агенцијата за заштита на личните податоци по повод нејзиниот 20 годишен јубилеј, претставници од Агенцијата за заштита на личните податоци учествуваа на конференцијата „Ризици и усогласеност со ГДПР во ерата на вештачката интелигенција“ која се одржа на 24 мај 2024 година во Загреб, Република Хрватска. На конференцијата се дебатираше за интеракцијата помеѓу Регулативата за вештачка интелигенција и Општата регулатива за заштита на личните податоци. Двете Агенции имаат континуирана соработка. Во 2022 година успешно го спроведоа твининг проектот „Поддршка во имплементација на модернизираната национална рамка за заштита на личните податоци“, кој доби позитивни оценки од сите засегнати страни.