На 22 октомври 2025 година, претставници од Агенцијата за заштита на личните податоци, предводени од заменик директорката Елена Велјановска, го посетија ООУ „Методи Митевски – Брицо“ во Лозово, каде што одржаа едукативен час на тема „Како да ги заштитиме нашите лични податоци на интернет“.
Настанот беше наменет за учениците од седмо и осмо одделение и се реализираше во интерактивна и едукативна атмосфера, прилагодена на возраста на учениците. Преку разговор, практични примери и активности, учениците имаа можност да научат како правилно да ги заштитуваат своите лични податоци при користење на интернет и социјални мрежи.
На учениците им беа споделени и информативни печатени материјали на тема „Приватноста на децата и младите во светот на модерните технологии – интернет и социјални мрежи“.
Со ваквите активности, Агенцијата за заштита на личните податоци продолжува со својата мисија за подигнување на свеста кај децата и младите за важноста на приватноста и безбедното дигитално однесување.
Заедно градиме генерации кои ја почитуваат и штитат приватноста!
На 27 октомври 2025 година, претставници од Агенцијата за заштита […]
На 24 октомври 2025 година, во просториите на Агенцијата беше […]
