На 22 јануари 2026 година, во просториите на Агенцијата беше одржана обука посветена на заштитата на личните податоци.
На обуката учествуваа претставници од разни училишта од државата, кои активно разменуваа искуства, прашања и идеи. Целта на обуката беше да се разјаснат законските обврски кои произлегуваат од Законот за заштита на личните податоци и подзаконските акти – како за контролорите, така и за обработувачите.
За време на обуката беа дадени јасни насоки за усогласување со прописите и беа опфатени повеќе клучни теми, меѓу кои:
- дефинирање на основните поими од областа на заштитата на личните податоци;
- начелата за заштита на личните податоци, кои претставуваат темел на целиот систем;
- правата на субјектите на личните податоци и механизмите за нивно остварување;
- обврските на контролорите и обработувачите во текот на целиот циклус на обработка;
- правилата за пренос на лични податоци, вклучително и меѓународниот пренос;
- законските обврски при воспоставување на систем за вршење на видео надзор.
Активноста е реализирана во рамки на проектот „MKSafeNet“, во соработка со ИМПЕТУС – Центар за интернет, развој и добро управување.
Еднодневна обука на тема „Вештачка интелигенција и заштита на лични […]
Директорот на Агенцијата за заштита на личните податоци донесе: Програма […]
На 16.12.2025 година, Агенцијата за заштита на личните податоци организираше […]
