Punëtori për standardet e mbrojtjes së të dhënave personale të EUROJUST në Budva

Më datën 7 dhe 8 prill në Budva, Mali i Zi, u mbajt punëtori për përfaqësues të Agjencive për Mbrojtjen e të Dhënave Personale dhe Prokurorive Publike të Maqedonisë së Veriut, Serbisë, Malit të Zi dhe Shqipërisë, në temë  standardet për mbrojtjen e të dhënave personale të EUROJUST në  prokuroritë publike dhe udhëzimet për përgatitjen e raportit për EUROJUST.

Gjatë kohës së punëtorisë, përfaqësuesit e vendeve pjesëmarrëse filluan me përgatitjen legjislative dhe nomoteknike të Kornizës Ligjore – udhëzime për procesin e supervizionit në prokuroritë publike dhe për përgatitjen e raportit për EUROJUST.

Si përfundim u sollën konkluzione të përbashkëta në lidhje me vazhdimin e bashkëpunimit rajonal ndërmjet vendeve pjesëmarrëse (Maqedonia e Veriut, Serbia, Mali i Zi dhe Shqipëria) e krijuar përmes projektit “Lufta kundër  krimit të rëndë në Ballkanin Perëndimor” – IPA 2019 për shkëmbimin e përvojave në fushën e mbrojtjes së të dhënave personale dhe aplikimit të saj në prokuroritë publike dhe gjykatat, si dhe vazhdimi i paraqitjes së raporteve në EUROJUST.

Punëtoria ishte organizuar nga projekti rajonal IPA “Lufta kundër krimit të rëndë në Ballkanin Perëndimor” dhe nga shoqëria Gjermane për bashkëpunim ndërkombëtar – GIZ, në bashkëpunim me Eurojust.