Состанок на надзорните органи за заштита на личните податоци од Западен Балкан

Заменик директорката на Агенцијата за заштита на личните податоци на Република Северна Македонија, г-ѓа Елена Вељановска, заедно со претставници од Агенцијата, на 30 октомври 2025 година во Белград учествуваше на состанокот на надзорните органи за заштита на личните податоци од Република Србија, Босна и Херцеговина и Црна Гора во просториите на Повереникот за информации од јавен карактер и заштита на личните податоци на Република Србија

На состанокот се разгледуваа начините за унапредување на меѓусебната соработка и заедничко постапување во однос на обработката на личните податоци од страна на платформите на социјални мрежи како што се META и X, а со цел обезбедување на правата на граѓаните при користењето на услугите на социјалните мрежи за земјите од Западен Балкан.

Исто така, беа разгледани и можностите за координиран пристап кон овие платформи, како и за воспоставување поцврсти регионални механизми на соработка со цел зголемување на степенот на заштита на личните податоци на граѓаните од Западен Балкан.