Politika / njoftimi / deklarata për privatësi e personave fizikë u siguron informata në mënyrë të qartë, koncize, transparente, të kuptueshme dhe lehtë të disponueshme, dhe me shfrytëzimin e gjuhës së rëndomtë, që përshkruajnë si kontrolluesi i përpunon të dhënat personale.
Në Politikën/Njoftimin/Deklaratën për privatësi ju duhet të informoni personat fizikë për:
- qëllimin e përpunimit,
- bazën juridike për përpunim,
- afatin për ruajtje,
- nëse të dhënat personale ndahen me personat tjerë juridikë dhe fizikë,
- interesi legjitim,
- synimi për transferimin e të dhënave personale te vendet e treta ose organizatat ndërkombëtare,
- detajet e kontaktit të oficerit për mbrojtjen e të dhënave personale, etj.
Shembull:
Marija është parukiere. Ajo nuk ka ueb-faqe, por ka vendosur njoftim në sallonin në të cilin thuhet se klientët mund të kërkojnë kopjen e deklaratës së saj për privatësi.
Kompania XX SHPKNJP punon dizajn grafik. Ajo ka ueb-faqen e saj në të cilën, në vend të dukshëm, është publikuar deklarata për privatësi.
Të dy kontrolluesit kanë deklaratë për privatësi e cila është përbërë nga të gjitha elementet e përcaktuara me Ligjin për mbrojtjen e të dhënave personale (neni 16, 17, dhe 18).
