Дванаесетта сесија на обуки за заштита на личните податоци

Агенцијата за заштита на личните податоци со поддршка на ЕУ твининг проектот „Поддршка во спроведувањето на модернизираната правна рамка за заштита на личните податоци“, на 5 и 6 октомври 2022 година ја организираше дванаесеттата сесија на обуки за заштита на личните податоци на тема „Известување за нарушување на безбедноста“, „Директен маркетинг и профилирање“ и „Безбедност на личните податоци (технички и организациски мерки)“

На првиот ден од обуката беа појаснети обврските пријавување на нарушување на безбедноста на личните податоци, последиците од пријавување на нарушувањето, задоцнето известување, во кои случаи не е потребно да се достави известување. Понатаму беа опфатени правилата за вршење на директен маркетинг и профилирање. На вториот ден од обуката беа појаснети техничките и организациските мерки кои треба да се имплементираат од страна на контролорите и обработувачите.